Фудбалскиот клуб Шкендија го официјализираше ангажманот на сенегалскиот напаѓач Фабрис Тамба (21), кој од денеска ќе биде дел од тетовските „црвено-црни“.

Тамба потпиша 3,5-годишен договор со клубот откако успешно ги помина лекарските прегледи.

– Кога слушнав дека овој тим ме сака, бев многу среќен бидејќи навистина сакам да играм за овој тим. Се чувствувам многу среќен што се приклучив на најдобриот тим во првенството. Верувам дека ќе ја постигнеме целта да станеме шампиони – изјави Тамба по потпишувањето на договорот.

Шкендија ќе биде вториот клуб на Тамба во Македонија, откако минатата година беше дел од Шкупи, каде што беше прекомандуван од португалскиот гигант Брага.

Претходно Тамба играше за Беира-Мар Алмада и Ковиља во Португалија, добивајќи важно искуство кое сега ќе го искористи за Шкендија.