Денеска возачот на Мекларен, Ландо Норис триумфираше на трката за Големата награда на Велика Британија во Формула 1 шампионатот.

На патеката во легендарниот Силверстоун, местото каде што се одржа првата трка од Формула 1 во историјата во 1950 година, најбрз беше Британецот Норис, кој ја забележа осмата победа во кариерата пред своите навивачи, а четврта во оваа сезона.

Второто место го освои неговиот колега од Мекларен, Оскар Пјастрi, кој практично му ја „подари“ победата на својот колега бидејќи заработи казна од 10 секунди за прилично бизарна грешка, што го чинеше триумф.

Возачот на Заубер, Нико Хулкенберг, ја помина целта трет, освојувајќи го својот прв подиум во кариерата.

Оваа 12 трка во Ф1 сезоната се одржа во многу тешки и неповолни временски услови.

На табелата кај возачите води Пјастри со 234 бодови, осум повеќе од второпласираниот Норис, додека трет е Макс Ферстапен со 165.