Во Европската Унија, 42,5 проценти од произведената електрична енергија дошла од обновливи извори на енергија во првиот квартал од оваа година, објави денеска Евростат.

Статистичката служба на ЕУ соопшти дека во споредба со првиот квартал од 2024 година, ова претставува намалување од 4,3%. Значително зголемување на производството на електрична енергија од сончева енергија не беше доволно за да се компензира падот на хидроенергијата и енергијата од ветер.

Меѓу земјите од ЕУ, во првиот квартал од оваа година, Данска имаше најголем удел на обновливи извори во нето производството на електрична енергија со 88,5 проценти, по што следуваат Португалија (86,6) и Хрватска (77,3).

Најниски удели на обновливи извори се забележани во Чешка (13,4%), Малта (14,4%) и Словачка (15,1%). Најголеми падови, пак, се забележани во Грција (пад од 12,4%), Литванија (12%) и Словачка (10,6%).