Европската асоцијација на клубови (ЕЦА) вечерва одржа вонреден состанок поради најавеното формирање на Суперлигата во која ќе учествуваат само најголемите и најбогатите екипи.
На состанокот не присуствуваа претставниците на 12 екипи кои имаат намера да ја формираат Суперлигата.

„Поради денешните извештаи за таканаречената одметничка лига, ЕЦА како тело кое ги претставува водечки 246 екипи во Европа ја повторува својата посветеност на работата и развојот на моделот на клупските натпреварувања на УЕФА за циклусот кој започнува од 2024 година. Исто така ЕЦА е против „затворен модел“ на Суперлига за која пишуваат медиумите“, стои во соопштението на ЕЦА.

За разлика од заговорниците на Суперлигата Манчестер јунајтед, Манчестер сити, Арсенал, Ливерпул, Челси, Тотенхем, Јувентус, Милан, Интер, Реал Мадрид, Барселона и Атлетико Мадрид кои не беа присустни на вонредниот состанок, на него учествуваа претставниците на ПСЖ и Баерн Минхен кои сакаат да остане Лигата на шампионите.

Остар одговор од УЕФА за „Лигата на богатите“: Сите ќе бидете исфрени

Богатите не се плашат од УЕФА, познато е кој ќе биде главен во Суперлигата вредна пет милијарди евра