Европската Унија ќе им предложи на министрите за финансии на Г7 да ја намалат сегашната максимална цена за руската нафта што се транспортира со танкери од сегашните 60 на 50 долари за барел, објави Ројтерс, повикувајќи се на европскиот комесар за економски прашања Валдис Домбровскис.

-Европската комисија го предложи ова како дел од 18-тиот пакет санкции против Русија – рече Домбровскис, додавајќи дека има намера да го презентира овој предлог на состанокот на министрите за финансии на Г7 во Канада оваа недела.

Финската министерка за надворешни работи Елина Валтонен на 15 мај објави дека ЕУ, која моментално го усвојува 17-тиот пакет санкции против Русија, веднаш ќе започне со работа на новиот пакет.

Членките на Г7, Европската Унија и Австралија претходно воведоа горна цена на руската нафта што се транспортира по море на 60 долари за барел, по што слични ограничувања стапија на сила и за увоз на нафтени деривати од Русија, пренесува Н1 Инфо.рс.