Пандемијата на ковид-19 го фаворизира сајбер криминалот, особено во делот на детска порнографија и разните онлајн манипулации, се наведува во извештјот на Европската полициска служба, Европол.

– Криминалците на брзина ја искористија пандемијата на коронавирус за напад на ранливите, во контекст на карантинот и ограниченото движење што ги наведе луѓето за многу повеќе да го користат интернетот, соопштија од Европол.

На тој налин, онлајн манипулациите станаа идеална стратегија за сајбер криминалците кои својата стока ја продаваат како производи кои би спречиле или излечиле ковид-19, нагласува службата со седиште во Хаг.

Покрај тоа, регистрирани се содржини за сексуално вознемирување на деца, а нивното прикажување стана попопуларно од вообичаеното поради ограничувањата за движење или патување.

– Пандемијата забави многу аспекти од нашиот живот, но, за жал, забрза многу онлајн криминални активности, оцени европската коемсарка за внатрешни прашања, Илва Јохансон.