Покрај Европското првенство кое ќе се одржи од 11 јуни до 11 јули, погледите ќе бидат насочени кон уште едно интересно натпреварување, јужноамериканската „Копа Америка“ која ќе се организира од 13 јуни до 10 јули.

Пред самиот старт на овие големи фудбалски настани за годинава, шпанската „Марка“ ги одвои најдобрите 11 играчи од ЕВРО 2020 и најдобрите 11 играчи од „Копа Америка“.

Две фантастични екипи, тешко е да се предвиди која би победила од нив со оглед на квалитетот на ѕвездите..

Идеалните 11 од ЕВРО 2020: Куртоа (Белгија), Алаба (Австрија), Рубен Дијас (Португалија), Ридигер (Германија), Де Брујн (Белгија), Крос (Германија), Канте (Франција), де Јонг (Холандија), Роналдо (Португалија), Левандовски (Полска), Мбапе (Франција).

Идеалните 11 од „Копа Америка“: Алисон (Бразил), Д. Санчез (Колумбија), Маркињос (Бразил), Хименез (Уругвај), Ди Марија (Аргентина), Касемиро (Бразил), Куадрадо (Колумбија), Меси (Аргентина), Нејмар (Бразил), Лаутаро (Аргентина), Луис Суарез (Уругвај).