Maкедонскиот шампион Еурофарм Пелистер не успеа да приреди изненадување и претрпе пораз на гостувањето во Португалија кај Спортинг (30:24)

Од почетокот на натпреварот Спортинг беше подобар противник и отвори со 3:0. Успеа Пелистер да се врати и да израмни на 7:7, но не и да дојде до предност. Иако минимална, Спортинг констатно имаше водство, а на полувреме на семафорот стоеше 14:13.

Рамноправен противник, Еурофарм Пелистер продолжи да биде некаде до средината од второто полувреме за потоа да дојде до пад во нивото на игра на македонскиот претставник. До крајот Спортинг стигна и до поубедлива предност и од осум гола, а конечниот резултат беше 30:24.

На Еурофарм Пелистер од вечерва не му оди во прилог ниту победата на Висла која приреди големо изненадување и се радуваше над ПСЖ во Париз (28:31)

Вила со овој триумф се изедначи со Пелистер на шестата позиција со по шест бода, но полскиот тим има подобар меѓусебен дуел. Ќе потсетиме, шестата позиција е последна која води во плеј-офот, па така во завршницата од групната фаза ќе следи голема битка.

На останатите две средби кои се играа денес Фуксе Берлин лесно ја совлада Фредериција со 36:29, а Веспрем на гости беше подобар од Динамо Букурешт со 26:33.