Европската Унија донесе мерки против Косово поради непреземањето чекори за деескалација на ситуацијата на северот на Косово и за тоа на 28 јуни биле информирани косовските институции и владата, велат извору од Унијата.
Портапрол на ЕУ за косовските медиуми потврдил дека привремено е запрена работата во работните тела во рамките на Договорот за стабилизација и асоцијација, а Косово нема да биде повикувано на средбите на високи ниво, додкеа билатералните посети ќе бидат суспендирани.

Исто така, потврдено е дека е запрено програмирањето на средства за Косово во рамките на ИПА 2024, додека предлозите кои што ги претстави Косово во рамките на Инвестициската рамка за Западен Балкан воопшто не се поднесени на разгледување во одборот на Инвестицискиот фонд на состанокот што се одржа на 29 и 30 јуни.

Стапувањето на сила на овие мерки вчера го потврди и комесарот за проширување Оливер Вархеји кога навести дека Косово не е вклучено во издвојувањето на фондот од 2,1 милијарди евра што го одобри Оперативниот одбор за инвестиции за Западен Балкан.

Според портапролот на ЕУ, мерките кои што се воведени за Косово се провремени ир еверзибилни во зависност од случувањата на теренот и одлуката за деескалација која што може да ја донесе премиерот Албин Курти. 
Исто така најавено е дека ЕУ внимателно следи дали Србија ги исполнува официјалните барања од Брисел и дека се спремни да преземат емрки ако не бидат исполнети.

Унијата, според портпаролот, очекува од Косово да работи на деескалација и да ги прекине полициските операции во близина на општинските згради на северот на Косово, градоначалниците привремено да ги вршат своите функции од други објекти и предвремени избори што е можно побрзо да бидат распишани во четирите општини и да се организираат на сеопфатен начин, со „целосно и безусловно учество на косовските Срби”.

Тој уште додал дека од суштинско значење е брзо спроведување на Охридскиот договор, вклучително и формирањето Заедница на општини со српско мнозинство.

-За жал, Косово уште не ги презеде потребните чекори. Поради тоа ЕУ, во име на државите членки одлучи од 3 јуни да ги примени мерките на Косово – изјавил портпаролот.