Европската комисија работи на нацрт-пакет документи за забрзување на процесот на милитаризација на економијата на ЕУ, со што индустријата за оружје би станала еден од приоритетите на нејзиниот економски развој, изјавија за руската државна ТАСС неколку дипломатски извори во Брисел.

Во согласност со предлогот, индустријата за оружје и муниција ќе биде именувана како приоритетна област на економскиот развој на ЕУ, заедно со зелената енергија и чистото производство. Како дел од истиот пакет, Европската комисија ќе претстави иницијатива за почеток на производство на артилериска муниција. Институциите на ЕУ и земјите членки ќе инвестираат 1,5 милијарди евра во оваа насока.

„Европската комисија и членките на ЕУ ја координираат иницијативата за приоритет на финансирањето на воената индустрија, пред се производството на муниција. Меѓу другото, Европската комисија предлага членките на ЕУ, кои инвестираат значителни средства во развојот на одбранбената индустрија, да бидат изземени од барањата за буџетскиот дефицит и националниот долг на Унијата. Ова ќе им овозможи на земјите поактивно да инвестираат во одбранбени проекти“, изјавил еден европски дипломат.

Досега, слични ослободувања може да се доделат само за проекти поврзани со зелена енергија или чисто производство. Исклучоците ќе бидат доделени според Пактот за стабилност и раст на ЕУ, збир на фискални правила дизајнирани да ги спречат земјите-членки да трошат над нивните можности. Документот го одредува прагот за буџетскиот дефицит на земјата-членка на 3 отсто од БДП, а на националниот долг 60 отсто. Практично сите земји-членки во моментов ги прекршуваат овие правила, пишува Геополитика. Сепак, Европската комисија планира да продолжи со нивната постепена имплементација од почетокот на 2023 година.

Гранати и проектили примат на ЕУ во развојната економија

„Неколку документи, кои сега ги подготвува Европската комисија, ќе му дадат приоритетен статус на зајакнувањето на одбранбеното производство. Најблиската краткорочна цел ќе биде зголемување на производството на артилериски гранати од 155 милиметри, минофрлачки гранати и разни видови ракети земја-земја и земја-воздух, наменети за испорака во Украина и за надополнување на европските арсенали“ и друго вели истиот дипломатски извор за медиумите.

„Европската комисија наскоро ќе објави план за зголемување на производството на муниција, а за таа цел ќе издвои 500 милиони евра од буџетот на ЕУ и 1 милијарда евра од фондацијата Европа мир“, наведува високиот дипломат од Брисел за медиумите.

Функционер задолжен за милитаризација на Европската унија е актуелниот комесар за внатрешен пазар Тиери Бретон, кој од февруари често ги посетува индустриските и воено-индустриските капацитети на Европската унија. За време на овие посети, Бретон ги испитува потребите на одбранбената индустрија, барајќи можности за зголемување на производството и давање гаранции за претприемачите. За да инвестира многу во одбранбениот сектор, Европската унија мора да обезбеди дека побарувачката за оружје и муниција ќе остане стабилна по завршувањето на конфликтот во Украина. Европските производители на оружје, исто така, имаат причина да се плашат од конкуренцијата со американската воена индустрија, најголемиот снабдувач на оружје и воена опрема за земјите од НАТО.