Европската комисија денес ги повика земјите од ЕУ да помогнат во зголемувањето на ефикасноста на потрошувачката на вода за најмалку 10 проценти до 2030 година, додека Унијата се подготвува за сè посериозните последици од климатските промени.

Врз основа на предлогот на ЕК, кој не е правно обврзувачки, членките на ЕУ ќе ги одредат своите цели во заштедата на потрошувачката на вода, пишува Политико.

Оваа препорака е дел од Европската стратегија за води објавена денес, а нејзина цел е да се обнови циклусот на водата, кој е длабоко загрозен од загадувањето, климатските промени и уништувањето на животната средина.