На Советот на министри за транспорт, што се одржа вчера во Луксембург, беше постигнат политички договор за ревизија на прописите за правата на патниците, кои беа во исчекување од 2013 година. Станува збор за ревизија на Регулативата EU261, усвоена во 2005 година, што доведе до драстично намалување на доцнењата на летовите и подобрена одговорност на авиокомпаниите низ цела Европа.

И покрај приговорите на Германија и Шпанија, според вчерашната одлука, патниците повеќе нема да добиваат надомест до 600 евра, што моментално важи за доцнење на летовите повеќе од три часа .

Надоместоците сега ќе се применуваат за доцнење од четири часа за летови пократки од 3.500 километри и ќе изнесуваат до 300 евра, додека за подолги патувања, авиокомпаниите ќе треба да платат само ако летовите слетаат најмалку шест часа подоцна, до 500 евра , што значително го намалува правото на надомест во споредба со сегашниот стандард од три часа.

Европскиот парламент сега има четири месеци да го поднесе својот контрапредлог, кој мора да биде поддржан од мнозинство од 361 европратеник. Сепак, во 2014 година, пратениците не успеаја да го променат ограничувањето за одложување од три часа.