Усвојувањето резолуција од американскиот Сенат, со која се признава ерменскиот геноцид, претставува „победа за правдата и за вистината”, напиша на Твитер ерменскиот премиер Никол Пашињан.

– Од името на ерменскиот народ ја изразувам нашата благодарност кон американскиот Конгрес – истакна Пашињан.

Претставничкиот дом во октомври усвои идентична резолуција.

Ерменскиот премиер нагласи дека изгласаната резолуција е „храбар чекор кон спречување на геноциди во иднина”.

Според шефот на Дирекцијата за комуникации во турското претседателство, Фахретин Алтун усвоената резолуција за признавањето на геноцидот врз Ерменците во Османската империја може да ги влоши идните меѓусебни односи меѓу Анкара и Вашингтон.