Парламентот на Ерменија денеска го ратификуваше Римскиот статут, со што земјата сега е под јурисдикција на Меѓународниот кривичен суд (МКС), со седиште во Хаг.

Шеесет пратеници гласаа „за“ приклучување на Ерменија во меѓународниот механизам, а 20 пратеници се изјаснија „против“.

Ерменија одлучи да се приклучи на МКС во март, што предизвика негативна реакција од Русија. МКС во март издаде налог за апсење на рускиот претседател Владимир Путин, обвинувајќи го за незаконско депортирање на стотици деца од Украина. Москва ги отфрли обвинувањата.

Руското Министерство за надворешни работи соопшти дека Ерменија, сојузник на Москва, е предупредена за крајно негативните последици од таквиот потег врз билатералните односи.

Римскиот статут на Меѓународниот кривичен суд, усвоен во 1998 година во главниот град на Италија, е договорот со кој е формиран МКС