Македонскиот фудбалер Ердон Даци нема да ја менува средината и потпиша нов договор со белгиски Вестерло.

Новиот договор на Даци има важност до 2025 година. Македонскиот напаѓач имаше одлични настапи на почетокот од сезоната, но потоа токму во моментите кога играше во одлична форма дојде незгодната повреда.

Даци е дете на Вардар, а во 2017 година замина во Турција каде што го облече дресот на турски Коњаспор каде што за првиот тим настапуваше од 2019-та до 2021-ва година.

Во тој период собра 43 настапи во кои постигна три гола, додека во Вестерло на 27 натпревари постигна 11 гола. Своевремно беше дел и од У21 генерацијата на Македонија.