Епл вознемирени поради одлуката дека сите мобилни телефони во ЕУ ќе мора да имаат универзален полнач
Европската унија денеска објави дека ќе нареди воведување универзални полначи за мобилни телефони. Овој потег го налути Епл, кој е познат по тоа што произведува уникатни полначи. Иако најавените промени сѐ уште не се случија, Епл веќе може да биде принуден да направи некои промени со оваа објава.
Препорачано
– Европските потрошувачи веќе долго време се фрустрирани од тоа што имаат некомпатибилни полначи во нивните фиоки. Ние и дадовме на индустријата повеќе од доволно време да изнајде сопствени решенија, но сега е време да воведеме законодавна акција за заеднички полначи, рече Маргарете Вестангер
Таа додаде дека ова е важна победа за корисниците и околината, и во согласност со зелените и дигиталните аспирации.
Нова одлука во пресрет на претходните активности на Комисијата
Според Европската комисија, граѓаните на ЕУ во просек поседуваат по три полначи. Меѓутоа, дури 38% од потрошувачите изјавуваат дека не можеле да ги полнат телефоните барем еднаш, бидејќи правилниот полнач не бил при рака. Според Европската комисија, годишно се трошат околу 2,8 милијарди евра за набавка на дополнителни полначи, кои не се испорачани заедно со уредот. Европските службеници направија напори во минатото да ја принудат индустријата да ги стандардизира полначите.
Епл не е задоволен од идејата за уникатни полначи
Епл веќе реагираше на новите промени, велејќи дека е загрижен што строгите регулативи кои бараат само еден тип полначи ќе ги обесхрабрат иновациите, што на крајот ќе им наштети на потрошувачите. Сепак, на крајот, тие дипломатски додадоа дека „ќе се ангажираат со засегнатите страни, за да им помогнат да најдат решение што ги штити интересите на потрошувачите“.
Извор: Си-Ен-Ен
