Ракометарките на Македонија на Европското првенство на плажа го загубија и натпреварот против Унгарија.

Во шест натпревари досега на турнирот во Португалија избраничките на Златко Мојсовски освоија само еден сет сите други натпревари ги загубивме со 2:0.

Унгарките беа подобри во двата сета, а посебно убедливи беа во првиот кој го добија со 26:8. Вториот донесе нешто подобра наша игра, но доволна само за 14:10.

Со по шест поени Ива Божиновска и Бојана Диневска беа најдобрите во нашите редови.

Македонија во следните два дена ќе разигрува за пласман од 13-то до 16-то место, па потоа ќе биде познат нашиот конечен пласман.