Минатата година, штетите од екстремни временски настани во ЕУ и другите земји, Европската агенција за животна средина сега за прв пат го вклучи и Западен Балкан, надминаа 45 милијарди евра, јавува „ДПА“.

Екстремните временски настани предизвикани од климатските промени ја чинат Европа милијарди евра секоја година, предупреди во среда Европската агенција за животна средина (EEA), пренесува „ГНС“.

Во новиот извештај, EEA ја процени штетата од ваквите настани во 38 европски земји на повеќе од 45 милијарди евра во 2023 година. Оваа сума е уште поголема во претходните две години.

Вкупната штета од екстремните временски настани од 1980 година надмина 790 милијарди евра, од кои 180 милијарди само во Германија.

ЕЕА анализираше податоци од 27 земји-членки на ЕУ и 11 придружни земји, вклучувајќи, за прв пат оваа година, шест земји од Западен Балкан.

Најголема штета во 2023 година ја пријави  Германија, пред Италија, Франција и Шпанија. Словенија имаше најголема штета по глава на жител.

Најголемата штета беше предизвикана од поплави, бури, ветер и град. ЕЕА истакнува дека осигурувањето покрило премал дел од штетата, па затоа вкупната штета расте побрзо од осигуреникот.