Околу 15 часот попладнево, во грчкото летувалиште Аспровалта се случила експлозија во куќа во која престојувале туристи од Србија, соопштија доброволните спасувачи од Волви.

Како што јавува Н1 телевизија, четири лица беа повредени во експлозијата од фрагменти од стакло, додека еден млад човек претрпе тешки изгореници на неколку делови од телото.

Повредените се однесени во болница.

Како што објавија некои белградски медиуми, експлодирала плинска боца, а полицијата наводно го привела сопственикот на сместувалиштето.