Во фабриката за сода во Стерлитамак, во Башкирија, Русија, утрово се случила експлозија од мешавина од гас и воздух, при што се повредени 25 лица, кои се префрлени во градската болница, објави министерот за здравство на Башкирија, Ајрат Рахматулин.

Дваесет и пет повредени се префрлени во градската болница. На лице место работат 19 екипи за итни случаи. Медицински екипи брзо беа испратени од Уфа по воздушен пат. Меѓу нив има реаниматори, специјалисти за изгореници и офталмолог, напиша Рахматулин , пренесува „Тасс“.

Како што претходно објавија медиумите, повикувајќи се на регионалните власти, во производствениот погон на фабриката за сода се случи експлозија од мешавина од гас и воздух без дополнително согорување, а немаше жртви.