Поранешниот сенаторот Боб Менендез осуден на 11 години затвор за мито, се расплака на суд
Поранешниот демократски сенатор Боб Менендез сега е официјално виновен и осуден на 11 години затвор по одлуката на поротата во судот на Менхетен.
Препорачано
Поранешниот моќен човек на Комитетот за надворешни односи на Сенатот беше прогласен за виновен за обвиненија за корупција и поткуп, како и за централна улога во шемата за влијание врз членовите на американскиот Сенат. Канцеларијата на окружниот обвинител на Менхетен првично предложи 15-годишна затворска казна за специфичните кривични дела, но судот го призна придонесот на поранешниот сенатор во јавниот живот.
За време на читањето на пресудата и казната, Боб Менендез се расплака, а неговите адвокати се обратија пред судот дека во суштина 11-годишната казна за сега 71-годишниот Менендез е еквивалентна на „доживотна и смртна казна комбинирано“.
Боб Менендез се соочуваше со 16 обвиненија за кривично дело и стана првиот американски сенатор во политичката историја кој беше осуден дека бил странски соработник.
Во својата последна изјава пред судот, Менендез изјави: „Изгубив сè што ми беше драго и за што се грижев, освен семејството. За некој како мене кој го поминал целиот свој живот во служба на народот, будењето секој ден е казна“.
Пресудата дојде по деветнеделното судење за време на кое поротниците видоа докази дека Менендез прифаќал подароци, вклучувајќи златни прачки во вредност од повеќе од 100.000 долари и повеќе од 480.000 долари во готовина, пронајдени при ненадејниот претрес на домот на Менендез во Њу Џерси.
