Падот на економијата во еврозоната ќе биде помал од што се очекуваше, но опоравувањето би можело да биде побавно, покажуваат извештаите на Европската централна банка.

За годинава се очекува пад на БДП од околу 5,5 отсто, а потоа следи пораст од 4,3 проценти во 2021 година, паралелно со попуштањето на мерките, се вели во кварталната анкета која ЕЦБ ја спровела меѓу економистите.

Поголем дел од учесниците во анкетата сметаат дека нормализирање на состојбата би можело да се очекува во третиот квартал и дека тоа ќе се одвива во фази.

Според оваа анкета, инфлацијата во еврозоната оваа година во просек би требало да се движи околу 0,4 отсто.

Благ пад на проекцијата на инфлацијата е нотиран и за наредната година од 1,2 отсто во споредба со претходните проценки кога се пресметуваше дека таа ќе достигне до 1,4 отсто.