Антимонополските регулатори на ЕУ започнаа истрага за тоа дали таксите што ги собираат Виза и Мастеркард имаат негативно влијание врз трговците на мало, јави БТА, повикувајќи се на Ројтерс. Европската комисија испрати прашалници за двете компании до трговците на мало и до давателите на платежни услуги во септември, давајќи им рок до октомври да одговорат. Двете компании долго доминираа на пазарот на платежни картички, што во последните години доведе до поплаки од трговците за надоместоците што ги наплаќаат двете компании за услуги поврзани со картички, како и обвинувања за недоволна транспарентност.

Меѓу прашањата што им се поставуваат на трговците е дали бројот на такси во Европската економска област и континуираното воведување нови и отстранување на постојните давачки негативно се одразиле на нивниот бизнис во периодот 2016-2023 година. Во Прашалникот, исто така, стои и дали трговците биле известени за промените и зголемувањата на надоместоците. Ваквите прашалници обично им помагаат на европските регулатори да развијат антимонополски случај, што на крајот може да доведе до парична казна еднаква до 10 отсто од глобалниот промет на компаниите. Европската комисија одби да коментира, повикувајќи се на тековната истрага, објави „Сега.бг.њус“.