Во вториот натпревар од ЕХФ Евро куп македонската женска сениорска ракометна репрезентација во Бекестуа загуби од Норвешка со 32:27. Потсетување дека на првиот дуел пред три дена во Скопје Норвежанките исто така беа подобри со 18:24.

На денешниот дуел избраничките на селекторот Љубомир Савевски имаа одлично прво полувреме, беа целосно рамноправни на дуелот со актуелниот европски и светски шампион.

На истекот од 10 минута водевме со 5:4 по погодокот на Стојковска, а во 15 минута стигнавме и до највисоки „плус два“, односно Саздовска се погрижи за 8:6.

Уште неколку пати имавме позитива од два разлика, 9:7 во 20 минута, 10:8 во 23 минута, последен пат го контролиравме резултатот пред непосредно пред крајот на првото полувреме (14:13), а пред паузата домаќините преку Арнтзен израмнија за 14:14.

На стартот од вториот дел двапати израмнивме преку Гичевска (15:15, 16:16), по што следуваше серија од три голови на противникот. Оттогаш па до финишот норвешките репрезентативки сигурно одржуваа предност од 3-4 голови разлика, не дозволувајќи ни да се вратиме резултатски. На крајот Норвешка стигна и до највисоки „плус пет“ и победа од 32:27.

Најефикасни во нашата селекција беа Дабевска со пет голови, по четири имаа Јанеска, Ристовска и Гичевска. На спротивната страна девет погодоци запиша Сирум Новак, а пет имаше Хег Артзен.

ЕХФ Евро куп 2022

Норвешка – Македонија 32:27

Македонија: Дабевска 5, Јанеска 4, Гичевска 4, Саздовска 3, Џатевска 3, Стојковска 2,Ристовска 4, Штериова 1, Кипријановска 1.