Управата на Манчестер јунајтед динамично го започна викендот, прво објави дека го ангажира првото засилуање за наредната сезона, Даниел Џејмс од Свонси, а потоа објави дека и Хуан Мата ќе потпише нов договор.

Но, за разлика од Мата, во клубот нема да останат Андер Ерера и Антонио Валенсија кои се наоѓаат помеѓу 14. фудбалери, претежно од вториот тим,  на кои клубот им се заблагодари на досегашната соработка.

Андер Ерера од наредната сезона ќе биде дел од францускиот шампион, ПСЖ со кого ги договори личните услови, додека Валенсија сè уште нема клуб.

Покрај Ерера и Валенсија, клубот го напуштија уште и Џејмс Вилсон, Милен Барс, Џошуа Боул, Закари Дирнли, Калум Грибин, Ди Џеј Бафонж, Реган Пул, Том Сенг, Тајрел Ворен, Калум Вилан и Мети Вилок како и младиот репрезентативец на САД, Метку Олосунде.