Големи гужви имаше попладнево на наплатната станица на автопатот кај Миладиновци за излез од Скопје – стотици автомобили чекаа во километарска колона, објави „Макфакс“.

„Тука е полошо од грчка граница. Сите свират, се обидуваат да ги престигнат автомобилите. Ужас! “, коментираат за порталот патници кои останале заглавени на патарината.

И оние кои поседуваат „М-таг“-картички не можат да се доближат до наплатната рампа, а заглавени се и автобусите на редовните линии кон Куманово, Кратово, Крива Паланка, Штип, Берово, Кочани.

Голем број жители на Скопје го напуштија градот поради претстојниот продолжен празничен викенд.