Денес навршуваат единаесет години од смртта на Душан Љубисављевиќ – Дуле, пејачот на познатото штипско дуо „Дуле и Коки“.

На 23 септември 2013 година, луѓето беа во шок кога медиумите објавија дека почина еден од дуото – виолина и гитара.

Тој ја започна кариерата заедно со неговиот другар Никола Јанков во 90-тите години во штипските кафулиња како тинејџер. По завршувањето на средното образование се пресели во Скопје, со цел повеќе да се афирмира.

На јавноста ѝ стана најпознат во 1996 година кога како дел од дуото „Дуле и Коки“ со песната „Виолина и гитара“ победува на „Макфест“.  Оттогаш кариера на двајцаата музичари и пријатели тргна во нагорна линија, сѐ до 2013 година кога Дуле почина по неколкумесечна борба со рак на црниот дроб.

Заедно со Коки во својот репертоар имаат над 50 композиции, а неколку од нив, како на пример „Виолина и гитара“, „Мене место не ме фака“, „Марама“, „Дај ми шанса“ и други се сметаат за евергрини.