Од Дирекцијата за заштита и спасување утрово информираа дека синоќа пред 23:00 часот повторно бил предизвикан пожар во депонијата „Дрисла“, но на сосема друго место оддалечено од просторот кој беше распален изминатите денови.

„На местото веднаш се упатија скопските пожарникари кои почнаа со гаснење, но поради специфичноста на пожарот беше потребно истовремено затрупување на опожарената површина поради што се активираа градежни машини кои веќе беа таму, а брзо пристигнаа и нивните возачи. Еден час подоцна пожарот беше изгаснат и затрупан со што беше спречено ширење на огнот во главнината на депонијата“, информираат од ДЗС.

Оттаму додадоа дека еден час подоцна пожарот бил целосно изгаснат и огништето било затрупано со земја.