Возачот на Мерцедес, Џорџ Расел, издвојува убедлива победа на трката за Големата награда на Сингапур. На патеката „Марина Беј“, Британецот ја забележа својата втора победа сезонава, а вкупно петта во кариерата, прикажувајќи зрелост и доминација од почеток до крај.

Расел ја држеше водечката позиција во најголемиот дел од трката, губејќи го првото место само за време на влезот во бокс. Сепак, по циклусот на промени на пневматиците, повторно се врати на врвот и го задржа водството до крајот.

Најблизу до него беше Макс Верстапен од Ред Бул, кој заостануваше 5,5 секунди, додека третото место му припадна на возачот на Мекларен, Ландо Норис. Иако Мекларен веќе ја обезбеди титулата кај конструкторите, борбата за поединечниот пласман останува неизвесна.

Во Топ 10 се најдоа и:
Оскар Пјастри, Кими Антонели, Чарлс Леклерк, Луис Хамилтон, Фернандо Алонсо, Оливер Бермен и Карлос Сајнц Јуниор, кои исто така освоија вредни бодови.

Преземено од: Спорт.ком.мк