Поранешниот американски претседател Џорџ Буш тврди дека неодамна дознал дека за време на посетата на Санкт Петербург, поранешниот шеф на „Вагнер“, Евгениј Пригожин, му служел вечера. Во текот на викендот, Буш преку видео врска учествувал на конференцијата Јалта – Европска стратегија, каде бил прашан за смртта на Пригожин во авионската несреќа во Русија.

„Она што ме шокираше е тоа што пред некој ден видов слика од самитот на Г8 во Санкт Петербург каде Пригожин беше момчето што ми сервираше храна. Тој беше готвач. Добро е, преживеав“, рече тој.

Буш мислел на фотографиите од средбата со рускиот претседател Владимир Путин од 2006 година, на кои во позадина може да се види Пригожин, пишува „Киев пост“.

2002 год, Джордж Буш в гостях у Владимира Путина. В роли официанта – Евгений Пригожин. pic.twitter.com/rTou84k3wa

— Dmitry Kolezev (@kolezev) November 23, 2022

Но, тоа не била нивна единствена средба, бидејќи Пригожин бил и на фотографијата од втората средба што се одржала четири години претходно. Пред да стане светски познат како шеф на платеничка група, Пригожин бил во бизнисот со храна и често обезбедувал кетеринг за настани што ги организирал Путин, поради што го добил прекарот „готвачот на Путин“.

Буш на конференцијата ја коментирал и актуелната ситуација, нагласувајќи дека сега е време да се запре Путин. „Ова (инвазија на Украина) не е последниот чекор за Путин. Тој сака голема империја. И сега е време да го запреме. Мислам дека тој е помоќен денес отколку кога бев претседател. И тој е лукав политичар“, рече тој.

„Тој не се плаши да ја искористи својата моќ за да влијае на неговата иднина. Одгризе малку повеќе отколку што можеше да џвака“, продолжи тој.