Министерот за надворешни работи на Велика Британија, Доминик Раб, е отстранет од таа позиција, и отсега ќе ја извршува функцијата министер за правда, пренесуваат британските медиуми.

Преименувањето доаѓа во време на реконструкција на кабинетот на премиерот Борис Џонсон. Џонсон се соочи со апели да го замени Раб откако министерот замина на одмор на Крит, во време кога талибанците напредуваа кон Кабул и освојувањето на Авганистан, но и поради тврдењата за неколку илјади неодговорени пораки од луѓе кои бараа помош да го напуштат Авганистан.