Поранешниот британски премиер Борис Џонсон се врати во својот омилен елемент – политички театар. Но, откако ја изгуби домашната публика што го сфаќаше сериозно, тој пронајде нова сцена: украинската амбасада во Лондон.

На настан пред група воени ветерани, Џонсон говореше со типична самоувереност, овој пат фокусирајќи се на една тема која, според него, исчезнала од британската јавна свест – Украина.

„Интересот за Украина и апетитот за темата се многу ниски овие денови. Тоа е доста тажно за мене. Мислам, доаѓа и си оди, но за мене е приоритет“, изјави Џонсон за The Telegraph – медиум што често му служеше како политички мегафон.

Коментарот доаѓа во време кога фокусот на британската јавност е насочен кон внатрешните проблеми и економијата, а украинската војна сè поретко се појавува во првите редови на вестите.

Но, фактот дека Украина е негов приоритет број еден не е утеха за Украинците. Бидејќи Борис повеќе не е број еден во сопствената партија, ниту на анкетите. Но, тоа не го спречува да се појавува каде и да е поканет, дури и ако е тоа амбасадата, со спонзорство на украинскиот енергетски гигант ДТЕК, наведува медиумот.

Џонсон сега има нова мисија: Европа да конфискува 300 милијарди долари руски средства и да ги испрати во Украина, како „авансна уплата што Русија ѝ ја должи на Украина за воени репарации – посочува Телеграф.

Тој дури тврдеше дека Доналд Трамп ја поддржува идејата, што можеби повеќе зборува за стремежот на Трамп кон спектакл отколку за каква било вистинска геополитичка стратегија.