Американскиот актер Џона Хил и неговата девојка Оливија Милар станаа родители за првпат, потврди претставникот на актерот за магазинот „Пипл“.

Имено, Хил не беше присутен на свадбената прослава на неговата сестра Бини Фелдштајн, која се одржа на 20 мај. Тоа ги подгреа гласините дека причината за неговото отсуство била приновата во семејството, нешто што отпосле испадна вистина.

Неговата девојка првпат беше забележана со труднички стомак кон крајот на март во Калифорнија, а првпат беше фотографирана со Хил минатиот септември во Санта Барбара. Таа е сопственичка на онлајн продавница за винтиџ предмети и облека.

Џона Хил стекна светска слава со своите улоги во холивудските комедии, како што се „21 Jump Street“, „Superbad“, „War Dogs“ итн.

Пред сегашната девојка, Хил беше свршен со менаџерката Џана Сантос, но таа врска заврши во 2020 година.