Поранешниот американски амбасадор во Обединетите нации и поранешен советник за национална безбедност во Белата куќа, Џон Болтон, призна дека помогнал во обидите за државен удар во странски земји, пренесува Ројтерс.

Болтон ова го изјави по сослушувањата во американскиот Конгрес поврзанo со инвазијата на американскиот Капитол на 6 јануари 2021 година, наведува британската агенција.

Членовите на комисијата на Претставничкиот дом што го истражува насилниот упад го обвинија поранешниот претседател Доналд Трамп дека поттикнувал насилство во обид да остане на власт и покрај поразот на изборите во 2020 година.

Болтон посочил дека Трамп не е доволно компетентен да изврши „внимателно планиран државен удар“.

„Како некој кој помогнал во планирањето пуч, не овде, туку на други места, знам дека е потребно многу напор. А тоа не го правеше Трамп“, изјавил Болтон.

На новинарско прашање, на кои обиди се однесува, тој рече дека „не сака да навлегува во детали“, но сепак ја спомна Венецуела.

„Се испостави дека тоа не беше успешно. Не дека имавме толку многу работа со тоа, но видов што и требаше на опозицијата во обидот да собори нелегално избраниот претседател Мадуро и тие не успеаја“, рече поранешниот американски функционер.

Во 2019 година, како советник за национална безбедност на САД, Болтон јавно го поддржа повикот на венецуелскиот опозициски лидер Хуан Гуаидо до војската да му помогне да го собори социјалистичкиот претседател Николас Мадуро, тврдејќи дека реизборот на Мадуро е нелегитимен, но на крајот Мадуро остана на власт.

Многу експерти за надворешна политика ги критикуваа интервенциите на Вашингтон во други земји во текот на годините, од неговата улога во соборувањето на тогашниот ирански премиер Мохамед Мосадег во 1953 година и Виетнамската војна до инвазиите на Ирак и Авганистан во почетокот на вој век, но тоа не е вообичаено. за американските власти отворено да ја признаат својата улога во предизвикување немири во странски земји, наведува Ројтерс