Џоел Ембид со новиот договор во Филаделфија ќе стане еден од најплатените кошаркари во историјата на НБА-лигата.

Ембид важи за еден од најдобрите центри во најсилната кошаркарска лига и од почетокот на кариерата го носи дресот на Филаделфија. Познатиот НБА-инсајдер, Шемс Чарни објави дека Ембид ќе потпише нов договор со Филаделфија на дополнителни три години и тој ќе има вредност од 193 милиони долари.

Договорот кој ќе го потпише репрезентативецот на САД ќе има важност до сезоната 2028/2029 година и годишно кошаркарот ќе заработува 64.33 милиони долари. Ако се додаде тука и заработката од стариот максимален договор, Ембид ќе дојде до сума од над 300 милиони долари за пет години.

Во НБА-лигата Ембид пристигна од универзитетот Канзас во 2014 година кога беше избран од Филаделфија.

Joel Embiid now has five years and $301 million on his 76ers deal – one of the three richest totals in NBA history. https://t.co/XqBRtDqA5L

— Shams Charania (@ShamsCharania) September 20, 2024