Младиот англиски фудбалер Џоб Белингaм, помладиот брат на ѕвездата на Реал Мадрид, Џуд Белингaм, одлучи да тргне по стапките на својот брат и ја избра Борусија Дортмунд како следна дестинација во својата кариера. Деветнаесетгодишниот фудбалер потпиша петгодишен договор со германскиот гигант, во трансфер вреден повеќе од 30 милиони евра.

Џоб, исто како и Џуд, потекнува од младинската школа на Бирмингем Сити, каде ги мина сите младински категории, а во моментов настапува за англиската репрезентација до 21 година. За неговиот потпис се интересираа неколку европски гиганти, меѓу кои и Манчестер Сити, но по советот од својот постар брат, одлучи да ја прифати понудата од клубот кој веќе има искуство во градење на млади таленти.

„Пресреќен сум што доаѓам во клуб како Борусија Дортмунд. Целта ми е да освојувам трофеи и да оставам трага пред оваа неверојатна публика. Среќен сум и што ќе бидам дел од тимот на претстојниот клупски мундијал“, изјави Белингам по потпишувањето на договорот.

Борусија повторно покажува дека останува верна на својата стратегија – да инвестира во млади, перспективни фудбалери со желба за успех и напредок, а Џоб Белингам е уште една надежна алка во таа визија.