Владата на Албанија и додели статус на стратешки инвеститор на компанија поврзана со Џаред Кушнер, зет на новоизбраниот американски претседател Доналд Трамп, поради изградба на луксузен туристички центар на ненаселениот островот Сазан каде се наоѓала воена база, пренесува ФоНет.

Комитетот за стратешки инвестиции на чело со премиерот на Албанија Еди Рама го прифати предлогот на Aтлантик Инкубејшн Партнерс проектот да се реализира на 45 хектари, со инвестиција од 1,4 милијарди евра, пренесува Ројтерс. Констатирано е дека проектот е во согласност со законот за економски инвестиции, а се проценува дека ќе вработи околу 1.000 луѓе. Минатата година Кушнер ги претстави плановите за изградба на туристички одморалишта на албанските острови Звернец и Сазан и за проект во Белград поврзан со зградата на поранешниот Генералштаб, објави Данас.