Техничкиот премиер Талат Џафери ретко ќе го гледа на владини седници техничкиот министер за внатрешни работи Панче Тошковски од ВМРО-ДПМНЕ, бидејќи како што тој изјави за „Слободен печат“ на владини седници ќе приисутвува само кога ќе оцени дека тоа е  приоритет за граѓаните. Џафери пак, по изборот на техничката Влада откако на зедничката фотографија не се појавија министрите од ВМРО-ДПМНЕ Тошковски и Ѓоко Велковски за труд и социјала, рече дека тоа не го загрижува и дека тие ќе мора да работат.

-Секогаш ќе постапувам согласно приоритетите на граѓаните на Република Македонија. Доколку е приоритет да се оди на седница на Влада, нормално дека ќе одам, доколку е приоритет да се работи во рамки на Министерството,  нормално дека ќе работам во рамки на просториите на Министерството, ако е  приоритет да се работи на терен со граѓаните, нормално е дека ќе бидам на терен со граѓанире. Се што е приоритет за граѓаните на Мкаедонија е  мој приоритет. Моментално сум на состанок со дел  од раководните лица во делот на издавањето на патните исправи.Ггледаме да најдеме начин како да се реши тоа, гледам дека има интерес од нивна старна да се реши проблемот. Сакаме да помогнеме на граѓаните. Се  што можеме да направиме ќе направиме во периодот што следи. Граѓаните на Македонија ќе имаат можносст да видат дали има разлика од претходното работење и сегашното – ни изјави Тошковски.

На прашањето дали тоа начи дека техничкиот премиер Џафери ретко ќе го гледа на владини седници, Тошковски вели:

-Апсолутно да, бидејќи граѓаните на Македонија живеат во  девастирана и тотално уништена држава. Сите институции се распаѓаат, колку што можам да видам од оваа позиција, а претходно тоа сум го чувствувал и како граѓанин на Македонија. Најверојатно ќе бидам многу повеќе на терен и во Министерството, отколку во Влада. Секогаш ќе присутвувам во Влада кога тоа ќе е приоритет за граѓаните.

Тој не прецизира дали уште на првата владина седница ќе предложи измени на Законот за патни исправи, како што најави при дебата „Важно е! Платформа за иднина“ на тема Важно е да имаме фер избори што се одржа минатата недела  во хотелот Александар Палас во Скопје, кога ВМРО-ДППМНЕ ги промовира кандидатите за министри и за дополнителни заменици министри во техничката влада. Само изјави дека „Се уште ги разгледуваме сите можни решенија на овој проблем“.

Тој на дебатата неодамна рече дека МВР во наредниот период ќе даде максимум да обезбеди вистинска борба против организираниот криминал и корупцијата од една страна, а од другата која е исто еднакво важно е да биде сервис на граѓаните.

-Ова кое го гледаме сите особено во делот на управните работи со ова срамно однесување на сите оние кои се на клучни позиции и имаат недостоинствено однесување во делот на издавање на лични документи – рече тогаш Тошковски.

Тошковски тогаш укажа дека според негови информации целосно е невозможно да се задоволат потребите на граѓаните согласно сегашната законска регулатива посочувајќи на иницијативата на ВМРО-ДПМНЕ до Уставниот суд.

-Но, Уставниот суд функционира така како што функционира, па затоа еден од првите чекори ќе биде да предложам измени на Законот за патни исправи или да се пролонгира рокот на важење. Надвор од разумот е да се важечки, а да не се употребуваат од граѓаните. Тоа е единствено нешто кое суштински ќе го реши проблемот. Останува да видиме како ќе се однесува техничката влада и сите институции. Но, ги уверувам граѓаните дека ќе сторам сѐ процесот да е достоинствен во рамки на можностите. Секако нема да е како до сега, ќе биде многу поинаку – заклучи тогаш Тошковски.