Возачот на Мекларен, Оскар Пјастри, запиша блескав викенд со убедлива победа на трката за Големата награда на Шпанија. Австралиецот доминираше од стартот до карираното знаме, воден од тимска стратегија што се покажа како непогрешлива.

Веднаш зад него се најде неговиот клупски колега, Ландо Норис, што ја зацврсти двојната победа за Мекларен. тим кој во последно време бележи импресивен подем и сериозно ги поместува рамките во борбата за врвот.

На третото место се пласираше Шарл Леклер во болидот на Ферари, додека четвртата позиција ја освои Џорџ Расел од Мерцедес. Актуелниот светски шампион, Макс Ферстапен и покрај обидите да се пробие повисоко, заврши петти  резултат што сигурно нема да го задоволи тимот на Ред Бул.

Изненадување на денот приреди искусниот Нико Хулкенберг, кој со одлична изведба се најде на шестата позиција. Зад него следеа Луис Хамилтон, младата надеж Хаџар, Пјер Гасли и домашниот ас Фернандо Алонсо, кој го комплетираше топ-10 пласманот.