Две пациентки повредени во масовното пукање кај Младеновац и Смедерево се во критична состојба, изјави министерката за здравство на Србија, Даница Грујичиќ во гостувањето на РТС.

Грујичиќ изјави дека двете пациентки повредени во масовното пукање кај Младеновац и Смедерево се во критична состојба. Тоа укажува и дека девојчето, примено по пукањето во основното училиште во Белград се уште е во критична состојба и витално загрозено. Пациентите во смедеревската болница се надвор од животна опасност.

„Што се однесува до повредените во пукотницата кај Младеновац и Смедерево, две девојчиња сѐ уште се во животна опасност. Девојката која имаше повреда на главата, иако постоперативниот скенер е навистина одличен, за жал и е оштетено левото око, бидејќи куршумот останал таму. Таа се уште е седатирана, па не можеме целосно да ја процениме нејзината состојба додека не почнеме да ја будиме“, рече Грујичиќ.

Критично е и девојчето кое имаше повеќе абдоминални повреди, додава министерката и посочува дека денеска ќе и биде извршена нова интервенција.

„Момчето кое имаше повреда на феморалните артерии и вените на нозете е префрлен на Клиниката за васкуларна хирургија, ќе мора да добие дополнителни интервенции. Мажот кој имаше повреда на градниот кош и повреда на рбетот засега е стабилен, тој е екстубиран и свесен. Јас разговарав со него, но има параплегија, за жал. Што се однесува до момчето што е дојдено од Смедерево, му е направена торакална дренажа, и тој е стабилен и екстубиран“, вели министерката.