Претседателот на бугарскиот клуб „Иван Михајлов“ во Битола, Љупчо Георгиевски, добил покана за суд по две нови обвиненија, ѝ се пожалил тој на бугарската агенција „БГнес“.

Поканата која денеска му била врачена, пред 8 дена ја составил Основниот суд во Битола,

Судот го задолжува Георгиевски лично да се појави и да го прими обвинителниот акт на 4 април во судот, а доколку не се појави, „задолжително ќе биде изведен пред суд“, пишува во поканата.

Тој за бугарскиот медиум вели дека од добиената покана „во својство на обвинет“, не е јасно какво кривично дело сторил.

„Ова што се случува е демонстрација на целосно лицемерие од страна на властите на РСМ. Од една страна, раководството на клубот добива покана за средби во МНР со цел намалување на тензиите. Од друга страна, истата земја користи Сите можни алатки за репресија против нас. Целосен апсурд и лицемерие. За жал, ова е реалноста со која се соочуваат сите македонски Бугари во земјата“.