Вчера околу пладне, во судир на два мопеда во Охрид, тешко е повреден 65-годишен човек, а со полесни повреди поминало едно од двете млади момчиња на другиот мопед, соопшти МВР.

„На 02.06.2025 во 13:30 часот во СВР Охрид е пријавено дека на улица „7 Ноември“ во Охрид се случила сообраќајна несреќа помеѓу мопед „томос“ со охридски регистарски ознаки, управуван од А.И.(19) од Охрид и мопед „педа“ со охридски регистарски ознаки, управуван од В.С.(65) од Охрид. Во несреќата со тешки телесни повреди се здобил возачот В.С., а со телесни повреди се здобил Е.И.(20) од Охрид, сопатник на мопедот „томос“, констатирани во Општа болница во Охрид. Увид на местото изврши екипа од СВР Охрид“, пишува во полицискиот билтен.