Италијанските пливачи Фабио Ломбини (22) и Џоеле Росети (23) денеска во утринските часови загинаа откако нивниот ултралајт авион се урна веднаш по полетувањето од училиштето за летови во Нетуно, 60 километри јужно од Рим, информираат италијанските медиуми.

Ова го потврди и италијанската пливачка федерација која во соопштението вели дека Росети го управувал авионот. Федерацијата изрази најдлабоко сочувство до семејството, пријателите и клубовите.

Голема трагедија во Хрватска: Загинаа двајца млади спортисти (ВИДЕО)

Ломбини учествуваше во тридневниот тренинг камп во италијанскиот национален комплекс за пливање во близина на Остиа.

Ломбини беше специјалист за слободен стил на 200 метри, учествуваше на Универзијадата во Тајпеј во 2017.

Истата година освои сребро во италијанскиот пливачки шампионат и воедно беше финалист на Европското првенство на кратки патеки во Копенхаген, Данска. Росети имаше успех на младинско ниво во Италија.

? Nettuno (RM) #31maggio 10:40, in corso intervento dei #vigilidelfuoco per un aereo ultraleggero caduto dopo il decollo dall'aviosuperficie: deceduti i due occupanti [aggiornamento ore 12:00] pic.twitter.com/HKZ2lNp2vv

— Vigili del Fuoco (@emergenzavvf) May 31, 2020