На патот Скопје-Велес, вчера во 14:50 часот било пријавено дека во атарот на селото Колонија се случила верижна сообраќајна несреќа во која учествувале три автомобили и едно товарно возило, во која со повреди сте здобиле две лица.

„На 03.09.2025 во 14:50 часот во СВР Скопје било пријавено дека на регионалниот пат Скопје- Велес, атар на с.Колонија, скопско, се случила сообраќајна несреќа помеѓу патничко возило „киа“ со скопски регистарски ознаки, управувано од Б.Г.(58) од Скопје, патничко возило „сеат“ со скопски регистарски ознаки, управувано од М.С.(55) од Скопје, товарно возило „фиат“ со скопски регистарски ознаки, управувано од И.Б.(50) од Скопје и патничко возило „пежо“ со скопски регистарски ознаки, управувано од Б.С.(24) од с.Мралино, скопско“, велат од полицијата.

Оттаму додаваат дека во несреќата со тешки телесни повреди се здобиле возачот Б.Г. и неговата сопатничка Г.С. од Скопје, констатирани во Градската општа болница „Св.Наум Охридски“, а увидна екипа на СВР Скопје извршила увид на местото.