Двајца полицајци се убиени, а трет е повреден во престрелка на рурален имот во Порепунка, на североистокот од австралиската држава Викторија, објавија локалните власти.
Возила на брза помош и полициски возила се на местото на настанот, околината е блокирана, а на жителите им се советува да не ги напуштаат своите домови.

„Извештаите потврдуваат дека еден полицаец е повреден, а двајца други починале откако полицијата извршила налог на рурален имот“, соопшти Австралиската федерална полициска асоцијација (AFPA).
Полицијата го опиша настанот како „активен и тековен инцидент што може да претставува значителен ризик за граѓаните“, објави ABC.

Австралискиот премиер Ентони Албанезе и премиерката на Викторија, Јасинта Алан, го осудија нападот и изразија загриженост за опасностите за безбедносните сили.