Двајца луѓе, на возраст од 81 и 70 години, вчера се тешко повредени во Велес и во Охрид, кога во нив удриле возачи на автомобили, соопшти полицијата.

„На 02.10.2025 околу 18:20 часот во СВР Велес е пријавено дека на ул.„8 Септември“ во Велес, патничко возило „фолксваген поло“ со велешки регистарски ознаки, управувано од Ѓ.П.(62) од Велес, удрило во пешакот Б.Ј.(81) од Велес. Во несреќата со тешки телесни повреди се здобила Б.Ј., констатирани во Општата болница Велес. По наредба на jавен обвинител, извршен е увид од увидна екипа од СВР Велес“, велат од МВР за првиот случај.

Во вториот, во Охрид, 74-годишен возач прегазил 70-годишен сограѓанин.

„На 02.10.2025 околу 12:00 часот во СВР Охрид е пријавено дека на ул.„7 Ноември“ во Охрид, патничко возило „мерцедес“ со охридски регистарски ознаки, управувано од Т.М.(74) од Охрид, удрило во пешакот Р.К.(70) од Охрид. Во несреќата со тешки телесни повреди се здобила Р.К., констатирани во Специјалната болница „Св.Еразмо“ Охрид. Увид извршила екипа од СВР Охрид“, информираат од полицијата.