Од таеквондо клубот Феникс-Кик информираа дека двајца нивни натпреварувачи успеаја да освојат два медали на меѓународниот Скопје Опен Г1 2025 што се одржува во СЦ „Јане Сандански“.

Во женска конкуренција кај кадетките (-55 кг.) со сребрен медал се закити Мартина Наумовска. Кај јуниорите во категоријата -45 кг. Антонио Негријовски стигна до бронзата.

Ова е огромен успех за олимпиското таеквондо, за нови бодови на светската ранг листа за македонските натпреварувачи.

Останатите членови на Таеквондо клубот Феникс-Кик, Ангел Јовановски и Илина Гулабовска беа поразени во борбите за медал, додека в недела ќе се бори Лука Ангелов (-68 кг.) кај сениорите.

Македонската Таеквондо Федерација објави дека 40 држави од целиот свет дојдоа во Скопје по бодови за олимписка норма, турнирот Скопје Опен Г1 2025 се наоѓа на официјалниот календар на светската таеквондо асоцијација.