Македонската таеквондистка Душица Бреслиева не успеа да се закити со медал на Европскиот младински олимписки фестивал 2025 Скопје.

Во четвртфиналната фаза во категоријата -55 кг. Бреслиева загуби со 2:0 против натпреварувачката од Шпанија Карла Сесар.

На патот до четвртфиналето претходно Бреслиева триумфираше против Матеа Тведт Јакобсен од Норвешка (2:0) и Анастастија Хаиворонска од Украина (2:1).

Во оваа категорија златото го освои Ерика Карабалева од Бугарија, „сребрена“ е Сила Узујанчавдар од Турција, а бронзени медали имаат Карла Сесар и Ана Франсика од Италија.

Од останатите наши натпреварувачи денеска Христијан Симоновски загуби во првото коло против Кристофер Вунш од Луксембург (2:1) во категоријата -63 кг., а пораз доживеа и Андреј Василевски во второто коло во категоријата -55 кг. против Абдерахман Тујар од Италија (2:0).