Џастин Балдони ја продолжи серијата тужби направени за време на неговата расправија со Блејк Лајвли. Актерот сега ја тужи својата поранешна публицистка Стефани Џонс, тврдејќи дека таа објавила приватни информации и пораки кои наводно ја започнале драмата со Лајвли.

„Таа избра да создаде непотребна драма од себични причини, поткопувајќи и на крајот отпуштајќи ја нејзината клучна личност во студиото ‘Вејферер’. Таа не ги следеше упатствата и генерално предизвика повеќе проблеми отколку што реши“, се наведува во тужбата, според „Пејџ сикс“.

Џонс претходно го тужеше Балдони, велејќи дека го прекршил договорот.

За сè проговори и адвокатот на Балдони, Брајан Фридман: „Несомнено е дека Стефани Џонс поттикна цел катастрофален синџир на настани со прекршување на најосновното правило за приватност, но и со уништување на довербата на своите клиенти.“

Тој исто така тврди дека Џонс има историја на „сомнително однесување“ на работното место.

За потсетување, Фридман претходно го повика Рајан Рејнолдс за барањето на актерот да биде исклучен од тужбата на Балдони против Блејк Лајвли, со која Рејнолдс е оженет. Тој беше клучен играч во сето ова.

Рејнолдс претходно јавно ја бранеше својата сопруга и, во жесток поднесок до судот во Њујорк, го исмејуваше Џастин Балдони за, како што рече, „пречувствителност“ и „повредени чувства“. Тој го нарече Балдони предатор и побара негово исклучување од судењето.