Искусниот Драган Стојков од Струмица е новото засилување во редовите на фудбалскиот клуб Брера Струмица.

Се работи за 35-годишен дефанзивец, кој зад себе има настапувано во повеќе домашни и странски клубови, треба да биде столб на играта на сениорите, но и мотиватор на младите фудбалери во тимот во понатамошниот тек на првенството.

– Среќен сум дека после неколку сезони се враќам повторно во мојот роден град сега како член од тимот на Брера. Покрај големото задоволство што ќе сум дел од тимот, се надевам дека со моето искуство и напоран работа ќе придонесам екипата да ја оствари заедничката цел за оваа сезона и да ја радуваме струмичката јавност – вели Стојков.

Во својата професионална кариера има освоено куп титули со Македонија ЃП и Јагодина во Србија.

Претходно оваа зима тимот го засилија и Зоран Андонов, Лука Георгиев, Ибрахим Олаосебикан, Џорџе Ивковиќ и Даниел Миловановиќ.